NirvanaShatakam | shivoham shivoham |Shiv ji| Maha-Shivratri
25Apr, 2025
| मनोबुद्ध्यहङ्कार चित्तानि नाहं न च श्रोत्रजिह्वे न च घ्राणनेत्रे । न च व्योम भूमिर्न तेजो न वायुः चिदानन्दरूपः शिवोऽहम् शिवोऽहम् ॥१॥ न च प्राणसंज्ञो न वै पञ्चवायुः न वा सप्तधातुः न वा पञ्चकोशः । न वाक्पाणिपादं न चोपस्थपायु चिदानन्दरूपः शिवोऽहम् शिवोऽहम् ॥२॥ न मे द्वेषरागौ न मे लोभमोहौ मदो नैव मे नैव मात्सर्यभावः । न धर्मो न चार्थो न कामो न मोक्षः चिदानन्दरूपः शिवोऽहम् शिवोऽहम् ॥३॥ न पुण्यं न पापं न सौख्यं न दुःखं न मन्त्रो न तीर्थं न वेदा न यज्ञाः । अहं भोजनं नैव भोज्यं न भोक्ता चिदानन्दरूपः शिवोऽहम् शिवोऽहम् ॥४॥ न मृत्युर्न शङ्का न मे जातिभेदः पिता नैव मे नैव माता न जन्मः । न बन्धुर्न मित्रं गुरुर्नैव शिष्यं चिदानन्दरूपः शिवोऽहम् शिवोऽहम् ॥५॥ अहं निर्विकल्पो निराकाररूपो विभुत्वाच्च सर्वत्र सर्वेन्द्रियाणाम् । न चासङ्गतं नैव मुक्तिर्न मेयः चिदानन्दरूपः शिवोऽहम् शिवोऽहम् ॥६॥ | Mano buddhi ahankaara chitthaani naaham Na cha shrothra jihve na cha ghraana nethre Na cha vyoma bhoomir na thejo na vaayuh Chidhaanandha roopah shivoham shivoham ||1|| Na cha praana sangnyo na vai panchavaayuh Na vaa saptha dhaathur na vaa panchakoshah Na vaak paani paadham na chopastha paayu Chidhaanandha roopah shivoham shivoham ||2|| Na me dhvesha raagau na me lobha mohau Na me vai madho naiva maathsarya bhaavaha Na dharmo na chaartho na kaamo na mokshaha Chidhaanandha roopah shivoham shivoham ||3|| Na punyam na paapam na saukhyam na dhukham Na manthro na theertham na vedhaa na yagnyaha Aham bhojanam naiva bhojyam na bhokthaa Chidhaanandha roopah shivoham shivoham ||4|| Na me mruthyu shankaa na me jaathi bhedhaha Pithaa naiva me naiva maathaa na janmaha Na bandhur na mithram gurur naiva shishyaha Chidhaanandha roopah shivoham shivoham ||5|| Aham nirvikalpo niraakaara roopo Vibhuthvaacha sarvathra sarvendhriyaanaam Na chaasangatham naiva mukthir na meyaha Chidhaanandha roopah shivoham shivoham ||6|| |